მოკლედ: BBC-ის ინფორმაციით, აშშ-ის სენატმა მხარი დაუჭირა კანონპროექტს, რომელიც უკრაინის მხარდასაჭერად 60 მილიარდ დოლარზე მეტ დახმარებას მოიცავს.

  • მედიის მიხედვით, კანონპროექტს მხარი 70-მა სენატორმა დაუჭირა, წინააღმდეგი იყო 29.

დეტალები: BBC წერს, რომ 95.3 მილიარდი დოლარის ოდენობის დახმარების პაკეტი ითვალისწინებს უკრაინის, ისრაელისა და ტაივანის დაფინანსებას.

კონკრეტულად:

  • უკრაინისთვის 60 მილიარდ დოლარს;
  • ისრაელისთვის — 14 მილიარდ დოლარს.

გარდა ამისა,

  • ღაზის, უკრაინისა და დასავლეთ სანაპიროს ჰუმანიტარული დახმარებისთვის — 9 მილიარდ დოლარს;
  • ინდო-წყნარი ოკეანის რეგიონის მოკავშირეების მხარდასაჭერად კი 4,8 მილიარდ დოლარს.

პროცედურულად: BBC-ის მიხედვით, კანონპროექტი კონგრესში გადაიგზავნება, სადაც "მისი ბედი გაურკვეველია".

ბოლო ხაზი: აშშ-ს სენატმა უკრაინის დაფინანსების კანონპროექტი 10 თებერვალს განიხილა. განხილვის დროს, კანონპროექტს მხარი დაუჭირა 64-მა სენატორმა, აქედან 14 სენატორი რესპუბლიკელია. კანონპროექტის წინააღმდეგი 19 სენატორი იყო.