ცოტა ხნის წინ დევიდ შვიმერმა და ჯენიფერ ენისტონმა Uber Eats-ის რეკლამაში მიიღეს მონაწილეობა. მათთან ერთად ვიდეოში სხვა ცნობილი ადამიანებიც ჩანან, მათ შორის, ვიქტორია და დევიდ ბექჰემები.

რეკლამის არსი ისაა, რომ მათში მონაწილე ადამიანები იმახსოვრებენ, რის გამოძახება შეუძლიათ Uber Eats-იდან, თუმცა ამის საფასურად თავისი ცხოვრებიდან ერთი ფაქტი ავიწყდებათ.

ვიდეოში ჯენიფერი დევიდს გადასაღებ მოედანზე შემთხვევით შეხვდება, თუმცა ენისტონს აღარ ახსოვს, რომ შვიმერთან ერთად Friends-ში 10 წლის განმავლობაში თამაშობდა. მართალია, დევიდი ცდილობს, მსახიობს თავი გაახსენოს და მის ჩასახუტებლადაც გაიწევა, თუმცა ამაოდ.

ვარსკვლავები სიტკომ მეგობრებში 1994-2004 წლებში ლეგენდარული წყვილის, როს გელერისა და რეიჩელ გრინის, როლს ასრულებდნენ.