რესპუბლიკელების წევრმა, ლევან ბერძენიშვილმა განმარტავს, რომ საკონსტიტუციო სასამართლოს შესახებ კანონში არ უნდა შესულიყო ის ნორმა, რომლითაც დღეს ტურავას საქმის პლენუმისადმი გადაცემის საშუალება მიეცა, თუმცა ვინაიდან კანონი უკვე ძალაშია, აღნიშნული მოსამართლე კანონის შესაბამისად მოქმედებს:

"საიდან და როგორ არის მერაბ ტურავა ჩვენთვის ეს არ არის საიდუმლო, ისევე, როგორც თქვენთვის. მაგრამ კონკრეტულ შემთხვევაში გამიჭირდება რაიმეს თქმა, ვინაიდან, სამწუხაროდ, ვეტოსი, მისი არდაძლევისა, ბევრი რამ გამოსწორდა კანონში, მაგრამ ერთ-ერთი ყველაზე უხერხული მომენტი, რომელიც იმ წუთს იქნებოდა გამოყენებული, არ გამოსწორდა და ტურავა კანონის შესაბამისად მოქმედებს. კანონი იმიტომ იწერებოდა და ერთ კაცს იმიტომ ეძლეოდა ამდენი უფლებები რომ ვიღაცამ იცოდა, რომ ის ერთი კაცი არსებობს".

საკონსტიტუციო სასამართლოს მოსამართლემ, მერაბ ტურავამ რუსთავი 2-ის საქმის სარჩელების განხილვის მოთხოვნით პლენუმს, საკონსტიტუციო სასამართლოს შესახებ კანონში შეტანილი ცვლილებების შესაბამისად, 7 ივნისს, მიმართა:

"მივმართავ საკონსტიტუციო სასამართლოს პლენუმს შპს სამაუწყებლო კომპანია რუსთავი 2-ისა და შპს ტელეკომპანია საქართველოს ზოგიერთი სარჩელის საკონსტიტუციო სასამართლოს პირველი კოლეგიიდან პლენუმისთვის გადაცემის და პლენუმის მიერ განხილვის თაობაზე".

აღსანიშნავია, რომ გიგი უგულავას საქმის 7 ივნისს დანიშნული სასამართლოს სხდომაც სწორედ საქმის სარჩელის პლენუმისადმი გადაცემის მიზეზით გადაიდო.

აღნიშნული გადაწყვეტილების მიღების საშუალება მოსამართლეებ მას შემდეგ მიეცათ, რაც საკონსტიტუციო სასამართლოს შესახებ კანონში შევიდა ერთ-ერთი ცვლილება, რომლის მიხედვითაც, ერთ მოსამართლეს შეუძლია კოლეგიაში საქმის განხილვის ნებისმიერ ეტაპზე საქმე პლენუმს გადასცეს განსახილველად.