მოკლედ: სააპელაციო სასამართლომ დაუშვებლად ცნო საქართველოს ახალგაზრდა იურისტთა ასოციაციის (საიას) საჩივარი ნატა ფერაძის 5-დღიანი პატიმრობის წინააღმდეგ.

  • ინფორმაციას საიას თავმჯდომარე ნონა ქურდოვანიძე ავრცელებს.

დეტალები: ქურდოვანიძის თქმით, "დაუშვებლობის არგუმენტები შაბლონურია". ის აღნიშნავს, რომ

  • სააპელაციო სასამართლოს არგუმენტი საჩივარში ახალი გარემოებების და მტკიცებულებების არარსებობა იყო.
  • "ახალ მტკიცებულებებზე მსჯელობას არავინ ითხოვდა. სააპელაციო სასამართლოს უნდა შეეფასებინა რამდენად დასაბუთებული იყო საქალაქო სასამართლოს დადგენილება".

ბოლო ხაზი: 2 თებერვალს საქართველოს ახალგაზრდა იურისტთა ასოციაციამ (საიამ) ნატა ფერაძის 5-დღიანი პატიმრობის გადაწყვეტილება სააპელაციო სასამართლოში მას შემდეგ გაასაჩივრა, რაც ნატა ფერაძე სამართალდამცავებმა საცხოვრებელ ბინაში დააკავეს.

  • ნატა ფერაძე ადმინისტრაციულ სამართალდარღვევათა კოდექსის 1662-ე მუხლით არის დაკავებული, რაც 5-დღიან პატიმრობას გულისხმობს.
  • საგულისხმოა, რომ ეს მუხლი, ასევე ითვალისწინებს პირის დაჯარიმებას 500 ლარის ოდენობით, თუმცა, სასამართლომ ფერაძის დაპატიმრების გადაწყვეტილება მიიღო.