რა ხდება: ნატა ფერაძე On.ge-ს უდასტურებს, რომ სამართალდამცავები მის საცხოვრებელ ბინაში დასაკავებლად მივიდნენ.

  • "ვიღაცები არიან მოსული. ტანსაცმელს ვალაგებ. მეტი არაფერი ვიცი", — გვითხრა მან.

დეტალები: On.ge დაუკავშირდა საქართველოს ახალგაზრდა იურისტთა ასოციაციას (საია), რომელიც ნატა ფერაძის უფლებებს იცავს.

  • საიაში განგვიმარტეს, რომ სასამართლოს გადაწყვეტილებით, ნატა ფერაძეს აკავებენ ადმინისტრაციულ სამართალდარღვევათა კოდექსის 1662-ე მუხლით, რაც 5-დღიან პატიმრობას გულისხმობს.

საგულისხმოა, რომ ეს მუხლი, ასევე ითვალისწინებს პირის დაჯარიმებას 500 ლარის ოდენობით, თუმცა, სასამართლომ ფერაძის დაპატიმრების გადაწყვეტილება მიიღო.

რას გულისხმობს 1662-ე მუხლი: მოედანზე, გზაზე, პარკში, სკვერში, მიწისქვეშა გადასასვლელში განთავსებული ინფრასტრუქტურის/ინვენტარის, საზოგადოებრივი სარგებლობისთვის განკუთვნილი სხვა ობიექტის, მათ შორის, საგზაო ნიშნის, შუქნიშნის, გარესამეთვალყურეო კამერის, განზრახ დაზიანება ან განადგურება, საზოგადოებრივი ტრანსპორტის განზრახ დაზიანება, ან საზოგადოებრივ ტრანსპორტში არსებული ინვენტარის განზრახ დაზიანება, ან განადგურება.

გაიგე მეტი: როცა ნატა ფერაძეზე ვსაუბრობთ, ნიშნავს, ვსაუბრობთ სიტყვისა და გამოხატვის თავისუფლებაზე. აი, რატომ