მოკლედ: საქართველოს პარლამენტის დღის წესრიგის მიხედვით, განახლებული მთავრობის დამტკიცება 8 თებერვალს იგეგმება.

დეტალები: მინისტრების კანდიდატების მოსმენა ორშაბათს, 5 თებერვალს დაიწყება და 7 თებერვალს დასრულდება.

  • 5 თებერვალს 10:00 საათზე სიტყვით გამოვა ირაკლი ჩიქოვანი, რომელიც თავდაცვის სამინისტროს ჯუანშერ ბურჭულაძის ნაცვლად უხელმძღვანელებს.
  • ირაკლი ჩიქოვანი პარლამენტის ვიცე-სპიკერია 2023 წლის 16 ნოემბრიდან.

გაიგე მეტი: მივიღე შემოთავაზება ნატოში საქართველოს ელჩობაზე, სავარაუდოდ, დავთანხმდები — ბურჭულაძე

კონტექსტი: მას შემდეგ, რაც მოქმედმა პრემიერ-მინისტრმა, ირაკლი ღარიბაშვილმა გადადგომის თაობაზე განაცხადა, კანონის მიხედვით, უფლებამოსილება შეჩერდა მინისტრთა კაბინეტის სრულ შემადგენლობას და ახლა ისინი მოვალეობის შემსრულებლები არიან.

  • 1-ელ იანვარს პარტია ქართულმა ოცნებამ ირაკლი კობახიძე პრემიერ-მინისტრობის კანდიდატად ოფიციალურად წარადგინა.
  • კობახიძის თქმით, მან ყველა მინისტრს შესთავაზა თანამდებობაზე დარჩენა.
  • თუმცა, ერთადერთი, საკუთარი მოსაზრებიდან გამომდინარე, თავდაცვის მინისტრს სურდა სხვა სფეროში გადანაცვლება, "რასაც, რა თქმა უნდა, ანგარიში გავუწიეთ", — თქვა კობახიძემ.

გაიგე მეტი: რა თქვა ირაკლი კობახიძემ მას შემდეგ, რაც ის ოფიციალურად დაასახელეს პრემიერობის კანდიდატად

ბოლო ხაზი: ირაკლი ღარიბაშვილმა პრემიერ-მინისტრის პოსტი 29 იანვარს დატოვა.

გაიგე მეტი: ირაკლი ღარიბაშვილი გადადგა — რა იყო მისი პრემიერობის ბოლო სიტყვა