მოკლედ: შინაგან საქმეთა სამინისტრომ, თბილისსა და იმერეთში ერთდროულად ჩატარებული საგამოძიებო მოქმედებების შედეგად, "ქურდულ სამყაროსთან" კავშირში მყოფი 5 პირი დააკავა.

დეტალები: შსს-ს ინფორმაციით, დაკავებული პირები "ქურდული სამყაროს წევრობის", "ქურდულ შეკრებაში" მონაწილეობის, "ქურდული სამყაროს" საქმიანობის მხარდაჭერის, "ქურდული სამყაროს წევრისთვის მიმართვის" და ჯგუფურად ჩადენილი გამოძალვის და ჯგუფური გამოძალვის თანამონაწილეობისთვის დააკავეს.

  • დანაშაული 10 წლამდე ვადით თავისუფლების აღკვეთას ითვალისწინებს.

შსს- მიხედვით, ბრალდებულებმა ერთ-ერთი დაკავებულს, მასსა და მოქალაქეს შორის არსებული ფინანსური დავის მოგვარებისა და პირადი სარგებლის მიღების მიზნით მიმართეს, რის შედეგადაც, "ქურდული გარჩევა" მოეწყო, რომელსაც მოდავე მხარეებიც ესწრებოდნენ.

  • "მოდავე მხარეს მეორის სასარგებლოდ, განსაზღვრულ დროში გარკვეული თანხის გადახდა დააკისრეს. წინააღმდეგ შემთხვევაში პირადი ანგარიშსწორებით დაემუქრნენ", — წერია შსს-ს განცხადებაში.

ბოლო ხაზი: პოლიციამ, ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოიღო მობილური ტელეფონები, რომელთა საშუალებითაც ისინი ერთმანეთს უკავშირდებოდნენ.