ახალზელანდიელი მწერლის, ჰიზერ მორისის, მსოფლიო ბესტსელერის მიხედვით გადაღებულ სერიალს აუშვიცის ტატუისტი გაზაფხულზე ვიხილავთ. სიყვარულის ნამდვილ ამბავზე დაფუძნებული ისტორიული რომანის ეკრანიზაცია ექვს სერიას მოიცავს. სერიალში მთავარ როლებს ჯონა ჰაუერ-კინგი და ანა პროჩნიაკი ასრულებენ. უკვე გავრცელდა პირველი კადრებიც აუშვიცის ტატუისტიდან.

სერიალში მთავარ გმირს, ლალე სოკოლოვს, ჯონა ჰაუერ-კინგი ასახიერებს.

ფოტო: Peacock

ლალესა და გიტას შეხვედრა აუშვიც-ბირკენაუს საკონცენტრაციო ბანაკში

ფოტო: Peacock

მორისის სადებიუტო რომანი, აუშვიცის ტატუისტი, 2018 წელს გამოიცა და მალევე იქცა ბესტსელერად. წიგნი მსოფლიოში ათობით ენაზე ითარგმნა (მათ შორის, ქართულად) და 12 მილიონზე მეტ ეგზემპლარად გაიყიდა.

ლალე აუშვიცის ბანაკში

ფოტო: Peacock

ლალე სოკოლოვი მოხუცებულობაში

ფოტო: Peacock

ლალეს შეხვედრა თავისი ამბის მომავალ მთხრობელთან, ჰიზერ მორისთან

ფოტო: Peacock

აუშვიცის ტატუისტი აუშვიც-ბირკენაუს საკონცენტრაციო ბანაკში განვითარებულ რეალურ ისტორიას ჰყვება. ნაცისტების სიკვდილის ბანაკში მოხვედრილი სლოვაკი ებრაელი ლალე სოკოლოვი მიზნად დაისახავს, ტყვეობას ცოცხალი გადაურჩეს და ამისთვის აუშვიცის ტატუისტიც კი ხდება: იგი მასავით ბანაკის ტყვეებს მკლავზე საიდენტიფიკაციო ნომერს აწერს. სწორედ ასე ხვდება ლალე თავისი ცხოვრების სიყვარულს, გიტას, და მისი მიზანი უკვე საყვარელი ადამიანის სიცოცხლის გადარჩენაც ხდება.

ჰოლოკოსტს გადარჩენილმა ლალე სოკოლოვმა გარდაცვალებამდე არცთუ დიდი ხნით ადრე თავისი ისტორია ჰიზერ მორისს პირადად მოუყვა და სთხოვა, მასზე დაეწერა.

აუშვიცის ტატუისტის მიხედვით გადაღებულ სერიალს 2 მაისს ვიხილავთ.

ასევე იხილეთ: