6 სეზონისა შემდეგ Better Call Saul ისე დასრულდა, რომ ემის 53 ნომინაციიდან ვერცერთი მოიგო. ახლახან 2024 წლის ემის დაჯილდოება ჩატარდა და გამარჯვებულებიც გამოვლინდნენ. წლევანდელ ემიზე Better Call Saul 7 კატეგორიაში იყო წარდგენილი, თუმცა ჯილდოს მოპოვება ისევ ვერ შეძლო.

შეგახსენებთ, რომ Better Call Saul კრიმინალური დრამაა, რომელიც ერთი-ერთი ყველაზე ცნობილი სერიალის, Breaking Bad-ის, სპინოფია და სიუჟეტი ადრეულ 2000-იანებში ვითარდება. აღსანიშნავია, რომ ორივე სატელევიზიო შოუს ერთი და იგივე შემოქმედები ჰყავს: ვინს გილიგანი და პიტერ გულდი.

ფოტო: AMC

სოლ გუდმენზე გადაღებული სერიალი პოპულარული გამოსვლისთანავე გახდა, წლევანდელი ემის გამარჯვებულების დასახელების შემდეგ კი Better Call Saul-ის ფანებს გული კიდევ ერთხელ გაუცრუვდათ.

წლევანდელ ემიზე Better Call Saul წარდგენილი იყო ისეთ ნომინაციებში როგორებიცაა საუკეთესო დრამატული სერიალი, საუკეთესო კაცი მსახიობი დრამატულ სერიალში, ქალის მეორეხარისხოვანი როლის საუკეთესო შემსრულებელი დრამატულ სერიალში და სხვა, თუმცა ჯილდოს მოპოვება მაინც ვერ შეძლო.

Better Call Saul-სგან განსხვავებით, Breaking Bad-ს ემის 16 ჯილდო და ორი ოქროს გლობუსი აქვს მოპოვებული. აღსანიშნავია ისიც, რომ 2013 წელს Breaking Bad გინესის მსოფლიო რეკორდების წიგნში მოხვდა, როგორც ყველა დროის ყველაზე აღიარებული ტელესერიალი.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…