მოკლედ: პრემიერ-მინისტრი ირაკლი ღარიბაშვილი, დელეგაციასთან ერთად, შვეიცარიაში გაემგზავრა, სადაც მონაწილეობას მიიღებს დავოსის ყოველწლიურ მსოფლიო ეკონომიკურ ფორუმში.

დეტალები: საქართველოს მთავრობის ინფორმაციით, პრემიერ მინისტრი პანელურ დისკუსიებზე სიტყვით გამოვა, ვიზიტის ფარგლებში კი ღარიბაშვილი ორმხრივ შეხვედრებს გამართავს.

  • საქართველოს დელეგაციის შემადგენლობაში ასევე, არიან: ვიცე-პრემიერი, ეკონომიკისა და მდგრადი განვითარების მინისტრი — ლევან დავითაშვილი, საგარეო საქმეთა მინისტრი — ილია დარჩიაშვილი და მთავრობის ადმინისტრაციის უფროსი — რევაზ ჯაველიძე.

ბოლო ხაზი: მსოფლიო ეკონომიკური ფორუმი, ტრადიციულად, შვეიცარიის ქალაქ დავოსში გაიმართება. ფორუმზე ეკონომიკური მნიშვნელობის თემებთან ერთად, განიხილება პოლიტიკური საკითხებიც, მათ შორის, ფორუმის ფარგლებში, მოლაპარაკებები გაიმართება ღაზის სექტორსა და უკრაინაში ომის დასრულების შესახებ.

  • დავოსის მსოფლიო ეკონომიკური ფორუმი 19 იანვრამდე გაგრძელდება.