მოკლედ: 14 იანვარი საქართველოს სახელმწიფო დროშის დღეა. ამასთან დაკავშირებით, ორბელიანების სასახლესთან 16:00 საათზე ღონისძიება დაიწყო.

რა თქვა პრეზიდენტმა: ღონისძიებაზე სიტყვით გამოვიდა სალომე ზურაბიშვილიც.

  • მისი თქმით, დროშა არის არა მხოლოდ მატერიალური სიმბოლო, არამედ ყველაფერი, რასაც სახელმწიფო წარმოადგენს.
  • "დროშა არის სიმბოლო ჩვენი სახელმწიფოსი, მისი დამოუკიდებლობის, ღირებულებებების, იდენტობის", — აღნიშნა ზურაბიშვილმა.
  • მან ყურადღება გაამახვილა საქართველოს ადგილზეც ევროპულ ოჯახში:
  • "ყველანი ვართ ამაყი, როცა ვხედავთ, რომ საქართველო უკვე არის ევროკავშირის კანდიდატის სტატუსის მქონე ქვეყნის დროშა და ხვალ შეუერთდება ევროპული ქვეყნების დროშებს, რომ შეადგინოს ის ახალი, დიდი, ძლიერი ერთიანობა", — თქვა მან.

ასევე, სიტყვით გამოსვლის ბოლოს, ზურაბიშვილმა მიმართა ახალგაზრდებს:

"მე მინდა ახალგაზრდებს გითხრათ, რომ ეს დროშა თქვენ გეკუთვნით, თქვენი დასაცავია და თქვენ ეს დროშა იქ უნდა მიიტანოთ, სადაც ამ ქვეყნის მომავალია. არავის მისცეთ უფლება, რომ ამ დროშის ქვეშ ის ფასეულობები, რაც არსებობს, ვინმემ შეგვიცვალოს, სხვა სურათი გაიტანოს საქართველოსი. თქვენ ყველას გესმით, დღეს მე რაზე ვსაუბრობ. დაიცავით ეს ქვეყანა და ამითი დაიცავთ ამ დროშას. ეს დროშა იქნება მუდმივად მუდმივი საქართველოს სიმბოლო და მას გამარჯვებას ვუსურვებ".