დეტალები: საავტომობილო გზების დეპარტამენტის ინფორმაციით, უამინდობის გამო, გზებზე მოძრაობა დროებით შეზღუდულია.

  • თოვისა და ლიპყინულის გამო, მცხეთა-სტეფანწმინდა-ლარსის საავტომობილო გზის, გუდაური-კობის მონაკვეთზე, მისაბმელიანი და ნახევრადმისაბმელიანი ტრანსპორტის გადაადგილება აკრძალულია.
  • გარემოს ეროვნული სააგენტოს ცნობით, მლეთა-გუდაურის და გუდაური-კობის მონაკვეთზე გადაადგილება შესაძლებელი იქნება გაუჩერებლად გავლის რეჟიმში.
  • მათივე ინფორმაციით, გუდაური-კობის მონაკვეთზე ტრანსპორტის მოძრაობა შესაძლებელია მხოლოდ ზვავდამცავი გვირაბების გავლით.
  • "აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით", — აღნიშნულია განცხადებაში.