კავკასიასა და ცენტრალურ აზიაში NATO-ს გენერალური მდივნის სპეციალური წარმომადგენლის, ჯეიმს აპატურაის განცხადებით, საქართველოს ნატო-ში ინტეგრაციაზე რუსეთთან მოლაპარაკებები შეუძლებელია. მისივე თქმით, ნატო-საქართველოს პარტნიორობაში ვერავინ ჩაერევა. ამის შესახებ აპატურაიმ საზოგადოებრივ მაუწყებელს განუცხადა:

"სიმართლე გითხრათ, კარგად ვერ ვხდები, თუ რა მიზანს უნდა ემსახურებოდეს ეს ფორმატი. ჩვენ გვაქვს საქართველოსთან ძალიან ძლიერი თანამშრომლობა. ამავე დროს, გვაქვს მცდელობა, რომ რუსეთთან გვქონდეს კონსტრუქციული დიალოგი. ეს ხდება ნატო-რუსეთის საბჭოს ფორმატში. თუ ეს არის იდეა, რომ რაიმე ფორმით საქართველოს მომავალზე იმსჯელონ რუსეთმა და ნატო-მ, მაშინ ეს არის შეუძლებელია, არ დგას დღის წესრიგში, ვინაიდან ნატო საქართველოს მომავალზე ნატო-ში არ აპირებს მოლაპარაკება აწარმოოს არც რუსეთთან და არც სხვა მესამე მხარესთან."

ნატო-საქართველოს ურთიერთობებში რუსეთის ჩართვაზე 11 ივლისს, პატრიოტთა ალიანის წევრმა, ადა მარშანიამ რუსეთში ვიზიტისას ისაუბრა. მისი თქმით, რუს დეპუტატებთან შეხვედრაზე რუსეთ-საქართველო-ნატოს "ტრიადის" შექმნის ინიციატივა დააყენეს.