რა ხდება: ევროპარლამენტმა მხარი დაუჭირა რეზოლუციას გაფართოების პოლიტიკის შესახებ, რომლის ტექსტშიც ევროსაბჭოს მოუწოდებენ, მხარი დაუჭირონ საქართველოსთვის კანდიდატის სტატუსის მინიჭებას.

  • რეზოლუციას მხარი დაუჭირა 468 ევროპარლამენტარმა, 99 წინააღმდეგი იყო, 58-მა კი თავი შეიკავა.

დეტალები: "ევროპარლამენტარები მოუწოდებენ ევროპულ საბჭოს, 14-15 დეკემბერს სხდომაზე გადაწყვიტოს უკრაინასა და მოლდოვის რესპუბლიკასთან გაწევრიანების მოლაპარაკებების დაწყება.

  • გარკვეული რეფორმის ნაბიჯების გადადგმის შემთხვევაში, ისინი აცხადებენ, რომ უნდა დაიწყოს გაწევრიანების მოლაპარაკებები ბოსნია და ჰერცეგოვინასთან და საქართველოს უნდა მიენიჭოს კანდიდატის სტატუსი", — წერია ევროპარლამენტის ვებგვერდზე.

ევროპარლამენტარები მიიჩნევენ, რომ საჭიროა ევროკავშირის გაფართოების მკაფიო გრაფიკი

ევროპარლამენტარები მიესალმებიან, ბევრი ქვეყნის ინტერესსა და პოლიტიკურ ნებას ევროკავშირში გასაწევრიანებლად.

  • ასევე, აცნობიერებენ იმ დიდ ძალისხმევას, რომელიც ქვეყნებმა გაწევრიანების მოთხოვნების შესასრულებლად გასწიეს.
  • ისინი, ასევე, მიესალმებიან სომხეთის მთავრობის სურვილს, დაუახლოვდეს ევროკავშირს.
  • ევროპარლამენტარები აღნიშნავენ, რომ ევროკავშირმა უნდა დაადგინოს მკაფიო ვადები, კანდიდატი ქვეყნებისთვის ევროკავშირში გაწევრიანების მოლაპარაკებების დასასრულებლად ამ ათწლეულის ბოლომდე, თუმცა აღნიშნავენ, რომ ეს დაჩქარებული წესით გაწევრიანება არ უნდა იყოს.