1. ფილტვები არა მხოლოდ სუნთქვაში გვეხმარება, არამედ ისინი სისხლსაც წარმოქმნიან. ძუძუმწოვრების ფილტვები საათში 10 მილიონზე მეტ თრომბოციტს წარმოქმნიან, რაც მთელ სხეულში მოძრავი თრომბოციტების რაოდენობას უტოლდება.

2. მათემატიკურად შესაძლებელია, რომ რეალური დროის მანქანა ავაგოთ - შემაკავებელი კი ისეთი მატერიის აღმოჩენაა, რომელსაც ფიზიკურად შეუძლია სივრცე-დროის სტრუქტურის გამრუდება.

3. ციმბირში უზარმაზარი კრატერია, რომელსაც „მიწისქვეშეთში შესასვლელი“ ეწოდება. მისი ნოტიო ნიადაგი იმდენად სწრაფად დნება, რომ უძველესი ტყეები 200 000 წლის მანძილზე პირველად გამოჩდნენ.

4. მსოფლიოს პირველი ნახევრად სინთეტიკური ორგანიზმები ჩვენ შორის ცხოვრობენ - მეცნიერებმა ახალი სიცოცხლის ფორმები აღმოაჩინეს გაფართოებული, ექვს ასოიანი გენეტიკური კოდის დახმარებით.

5. ვანტაბლექი - ყველაზე შავი მატერია, რაც კი ოდესმე შექმნილა - სპრეის სახით გამოვიდა და ყველაზე უცნაური რამაა, რაც ამ წელს გვინახავს.

6. ეს უკვე ოფიციალურია: დროის კრისტალები მატერიის ახალი მდგომარეობაა და უკვე გვაქვს რეალური გეგმა იმისა, თუ როგორ შევქმნათ ეს „შეუძლებელი“ ობიექტები.

7. ადამიანის ახალი ორგანო კლასიფიცირდა, რომელიც მთელი ამ დროის განმავლობაში შეუმჩნეველი რჩებოდა. აბა, გავიცნოთ ჩვენი ახალი მეგობარი - ჯორჯალი.

8. კარლ სეიგანს მომავლის წინასწარმეტყველება ეხერხებოდა - მან აღწერა მსოფლიო, სადაც ფსევდომეცნიერება და მეცნიერული გაუნათლებლობა ზრდას იწყებს.

9. მეცნიერებმა ცალკეული გიგანტური ნეირონი აღმოაჩინეს, რომელიც თაგვის ტვინს სრულად ეხვევა. როგორც ჩანს, ის ძუძუმწოვრების ცნობიერებასთანაა კავშირში.

10. მსოფლიოში უიშვიათესი და უძველესი ძაღლი სულაც არ არის გადაშენებული - რეალურად, ახალი გვინეის ველური ძაღლები მრავლად შემორჩნენ.

11. შენი ბრმანაწლავი შეიძლება სულაც არ იყოს გამოუსადეგარი ევოლუციური ნარჩენი. სიბრძნის კბილისგან განსხვავებით, ბრმანაწლავი, შესაძლოა, მნიშვნელოვან ბიოლოგიურ ფუნქციას ასრულებდეს. ამ ორგანოს გარეშე ცხოვრებისთვის ჩვენი სახეობა ჯერჯერობით არაა მზად.

12. 130 წლის შემდეგ, შესაძლოა დინოზავრების ოჯახის ხის დახატვა ხელახლა მოგვიწიოს - ადრე უმნიშვნელო კატის ზომის ნამარხის გამო, რომელიც შოტლანდიაში იპოვეს.

13. პოლიცისტური საკვერცხეების სინდრომი რეალურად შეიძლება ტვინში იწყება და არა საკვერცხეებში.

14. როგორც ჩანს, დედამიწას სრულიად ახალი კონტინეტი, სახელად ზილანდია, აქვს, რომელიც მთლიანად თავდაყირა დააყენებს ჩვენს ატლასებს.

15. ადამიანები ბევრად უფრო დიდ ზიანს აყენებენ დედამიწის გეოლოგიას, ვიდრე არც ისე ცნობილი „დიდი ოქსიდაციის მოვლენა“, რომელიც 2,3 მილიარდი წლის წინ მოხდა. მეცნიერებმა ამ ეპოქას ანთროპოცენი ოფიციალურად უწოდეს.

16. როგორც აღმოჩნდა, მარტოკბილები - ანუ ზღვის მარტორქები - თავიანთ რქებს ნადირობისთვის იყენებენ. მაგრამ არა ისე, როგორც თქვენ გაიფიქრეთ.

17. ადამიანის აქტივობამ, პირდაპირი გაგებით, შეცვალა ჩვენი პლანეტის გარშემო არსებული სივრცე - ძალიან დაბალი სიხშირის რადიო კომუნიკაციამ, დედამიწის გარშემო ადამიანის მიერ შემთხვევით შექმნილი დამცავი ბუშტი წარმოქმნა.

18. ფერმერები თავიანთ საქონელს ყოველდღიურად აჭმევენ Skittles-ს, რადგან ის სიმინდის იაფი ალტერნატივაა. ¯\_(ツ)_/¯