დეტალები: პროპაგანდისტული არხის, POSTV-ის წამყვანი, ბაჩო ოდიშარია საქართველოს ეროვნულ კინოცენტრში დააწინაურეს.

  • ამას კინოცენტრი მედიასთან საუბარში ადასტურებს.
  • ოდიშარია, რომელიც კინოწარმოების დეპარტამენტის უფროსის მოადგილე იყო, ახლა ფილმწარმოების დეპარტამენტის ხელმძღვანელი გახდა.

არქივი: კინემატოგრაფისტები უკვე რამდენიმე თვეა აპროტესტებენ კინოცენტრში მიმდინარე რეორგანიზაციას.

  • ისინი რეორგანიზაციას აღიქვამენ თეა წულუკიანის მცდელობად, ქართული კინო კულტურის სამინისტროს პოლიტიკური გავლენის ქვეშ მოექცეს და "კინოცენტრის ხელთ არსებული ყველა ბერკეტი კინოსექტორზე სრულმასშტაბიანი კონტროლის დამყარებისკენ მიიმართოს".
  • მათი თქმით, პრობლემურია ისიც, რომ კინოცენტრის დირექტორი არჩეულია არა კონკურსის საფუძველზე, არამედ მინისტრის ერთპიროვნული გადაწყვეტილებით.
  • კინემატოგრაფისტების მოთხოვნა რეორგანიზაციის პროცესის შეწყვეტა და კინოცენტრის დამოუკიდებლობაა.