მოგზაურობის მოყვარულთათვის დიდი ბრიტანეთი ერთ-ერთი მიმზიდველი ქვეყანაა, მისი დედაქალაქი, ლონდონი 2023 წლის ყველაზე სასურველ დანიშნულების ადგილად დასახელდა და უკან ჩამოიტოვა ისეთი ქალაქები, როგორებიცაა პარიზი, ნიუ-იორკი და ტოკიო. ქვეყნის მსგავსი პოპულარიზაციის ფონზე უფრო და უფრო იზრდება ადამიანთა რაოდენობა, რომლებიც გამოთქვამენ სურვილს იმოგზაურონ, შეიმეცნონ და შეიგრძნონ ის თავისუფლება, რასაც დიდი ბრიტანეთი სიდიადისა და ჰარმონიულობის შერწყმით ქმნის.

საქართველოს მოქალაქეებს დიდი ბრიტანეთის ტერიტორიაზე შესასვლელად და ახალი თავგადასავლების აღმოსაჩენად ერთი მნიშვნელოვანი დაბრკოლების გადალახვა გვიწევს, რაც დაკავშირებულია სავიზო პროცესებთან.

2022 წელს დიდი ბრიტანეთის ვიზიტორის ვიზაზე განაცხადი გააკეთა 5135-მა აპლიკანტმა, მათ შორის დადებითი პასუხი მიიღო 80%-მა. მართალია დადებითობის მაჩვენებელი მაღალია, თუმცა უარყოფითი პასუხის მქონეთა შორის არიან აპლიკანტები, რომელთაც აქვთ პოტენციური შანსი განაცხადის ხელმეორედ გაკეთებისა და სავიზო პროცესების სწორად წარმართვის შემთხვევაში მიიღონ დადებითი პასუხი. სწორედ არსებულ პრობლემაზე მუშაობს იკონსული, ქართული ინოვაციური სტარტაპი, რომელიც მოგზაურებს აძლევს შესაძლებლობას გაიმარტივონ სავიზო პროცესები და გაზარდონ ვიზის მიღების შანსი.

სულ ცოტახნის წინ მოგზაურებისთვის იკონსულმა სასიამოვნო სიახლე დაანონსდა — დიდი ბრიტანეთის ვიზის დაზღვევის სერვისი მოგზაურებისთვის.

ვიზის დაზღვევის სერვისი მოიცავს სავიზო სერვისში გადახდილი თანხის უკან დაბრუნებას უარყოფითი პასუხის მიღების შემთხვევაში. არსებული მიდგომით იკონსული სავიზო სერვისს ნებისმიერი მოგზაურისთვის ხელმისაწვდომს ხდის და აპლიკანტისთვის სრულად ამარტივებს სავიზო პროცესებთან დაკავშირებულ ბიუროკრატიას.

ვიზის დაზღვევის სერვისით სარგებლობის პროცესი საკმაოდ მარტივია, ნებისმიერი დაინტერესებული პირი, რომელსაც სურს დიდი ბრიტანეთის ვიზის მიღება იკონსულთან ერთად იწყებს სავიზო პროცესებს, მრავალწლიანი გამოცდილების საფუძველზე მზადდება ყველა საჭირო დოკუმენტი, პროფესიონალურ დონეზე ივსება აპლიკაცია და ინიშნება ვიზიტი დიდი ბრიტანეთის სავიზო ცენტრში თითის ანაბეჭდების ჩასაბარებლად. სერვისით სარგებლობისთვის მნიშვნელოვანია აპლიკანტი აკმაყოფილებდეს ანაზღაურებასთან დაკავშირებულ მოთხოვნას, კერძოდ კი ფლობდეს ყოველთვიურ შემოსავალს მინიმუმ 1500 ლარს ხელფასის სახით.

ვიზაზე განაცხადის გაკეთება მსგავსი მეთოდით ზრდის დადებითი პასუხის მიღების ალბათობას, უარყოფითის შემთხვევაში კი გაქვს შესაძლებლობა უკან დაიბრუნო მომსახურებაში გადახდილი თანხა.

ამრიგად, იკონსულის დახმარებით შეგიძლია დააზღვიო ვიზა და მოინახულო 2023 წლის მსოფლიოს ქალაქი ან ეწვიო დიდი ბრიტანეთის სხვა ძალზედ საინტერესო სივრცეებს.