ქათამი, რომელმაც ფეხის კლანჭები დაკარგა, ფაჩუჩების დახმარებით ისევ დასეირნობს

კალიფორნიელი ქათამი, სახელად ნუბზი, რომელმაც ფეხის კლანჭები დაკარგა და სიარული არ შეეძლო, ფაჩუჩების დახმარებით ისევ დასეირნობს. როგორც ნუბზის პატრონი ჰყვება, მას ქათმების ფერმა აქვს. ერთმა მეზობელმა, რომელიც საცხოვრებლად სხვაგან გადადიოდა, პატარა წიწილას შეფარება სთხოვა და ისიც დათანხმდა.

ფერმაში გადასვლის შემდეგ ნუბზის პატრონმა შენიშნა, რომ წიწილას ტკიპები ჰყავდა, რის გამოც ფეხის კლანჭები დაკარგა და განსაკუთრებული მოვლა სჭირდებოდა. მკურნალობის პროცესში კი აუცილებელი იყო, რომ ქათამი ჭუჭყს მაქსიმალურად მოშორებოდა.ამიტომ, ქათამს ისეთი ფეხსაცმელი სჭირდებოდა, რომელშიც ფეხები მუდამ სუფთად ექნებოდა.

ნუბზის პატრონს გაახსენდა, რომ თავისი ცუგასთვის ფაჩუჩები ჰქონდა შეძენილი და ასეთი აზრი მოუვიდა: ფაჩუჩები ქათამს ჩააცვა, რითაც ის ჭუჭყისგანაც დაიცვა და სიარულის პროცესიც გაუმარტივა. ახლა ქათამს ნაირ-ნაირი ფაჩუჩები აქვს, ბუნებაში დასეირნობს და ინტერნეტის ვარსკვლავიც გახდა.

@calliopenubz
We are trying it a couple different ways lol, we are trying to boost our algorithm... we shall see if it works 😅 please interact with it if you can. We are experimenting with our videos this weekend, sorry if we bug you with all the Nubz! We love you all!
♬ IT GIRL - Aliyah's Interlude

"არ მეგონა, რომ ეს ფეხსაცმელი გადასაადგილებლად ქათმისთვის კარგი საშუალება იქნებოდა. როცა მას ფეხსაცმელები აცვია, გაცილებით უკეთ დადის, ასევე ჭუჭყისა და ნამსხვრევებისგანაც დაცულია. ", — განაცხადა ნუბსის პატრონმა და ისიც დასძინა, რომ ქათამს ახლა 30 წყვილი ფეხსაცმელი აქვს.

ნუბზი თავისი მოდური ფაჩუჩებით ახლა ტიკტოკის ვარსკვლავია და 18000-მდე გამომწერიც ჰყავს, რომლებიც ახალ-ახალ ვიდეოებს მოუთმენლად ელიან.

ბოლო ამბები:

გირჩევთ