ისრაელის განცხადებით, სირიაში იმ ორგანიზაციას დაარტყა, რომელიც, მისი მტკიცებით, გუშინ სამხრეთ ისრაელში მდებარე სკოლას დრონით დაესხა თავს.

  • დრონი დაწყებით სკოლას დაეცა, შემთხვევის შედეგად არავინ დაშავებულა.
  • "სირიიდან გამოშვებული დრონით ელიათში მდებარე სკოლაზე თავდასხმის საპასუხოდ, ისრაელის თავდაცვის ძალებმა (IDF) განახორციელა თავდასხმა", — წერს შეიარაღებული ძალები X-ზე.

ისინი არ აკონკრეტებენ ჯგუფს, რომელსაც თავს დაესხნენ, თუმცა აღნიშნავენ, რომ "სირიის ხელისუფლებას ეკისრება სრული პასუხისმგებლობა ყველა ტერორისტულ მოქმედებაზე, რომელიც მათი ტერიტორიიდან ხორციელდება".

სირიას ისრაელისთვის ჯერ არ უპასუხია.