მოკლედ: საგარეო საქმეთა სამინისტროს მიხედვით, 6-8 საქართველოში აღმოსავლეთ პარტნიორობის საკითხებში ევროკავშირისა და წევრი ქვეყნების, მათ შორის, ესპანეთის, როგორც ევროკავშირის საბჭოს ამჟამინდელი თავმჯდომარე ქვეყნის, საგანგებო დავალებათა ელჩების დელეგაციის ვიზიტი იმართება.

ვის შეხვდებიან: საგარეო ამბობს, რომ დელეგაციას, "სამუშაო ლანჩის ფორმატში შეხვდება" საგარეო საქმეთა მინისტრი, ილია დარჩიაშვილი.

  • ვიზიტის ფარგლებში, დელეგაციასთან შეხვედრას გამართავენ პრემიერ-მინისტრი, ირაკლი ღარიბაშვილი და მთავრობის წარმომადგენლები.
  • ელჩები ეწვევიან საოკუპაციო ხაზს და ადგილზე გაეცნობიან უსაფრთხოების კუთხით არსებულ ვითარებას.

რა არის მიზანი: აღმოსავლეთ პარტნიორობის საკითხებში, ევროკავშირისა და წევრი ქვეყნების საგანგებო დავალებათა ელჩები, ვიზიტის ფარგლებში ადგილზე გაეცნობიან ქვეყანაში განხორციელებულ თუ მიმდინარე რეფორმებს, და ამ მხრივ, უკვე არსებულ შედეგებს.

კონტექსტი: ეს ვიზიტი საქართველოს ევროკავშირში გაწევრიანების პროცესის უმნიშვნელოვანეს ეტაპზე ხდება, რამდენადაც წინ უსწრებს ევროკომისიის მიერ "გაფართოების პაკეტის" გამოქვეყნებას.

ბოლო ხაზი: "ამ ფონზე, ევროკავშირის 20-მდე წევრი ქვეყნის წარმომადგენლობითი დელეგაციის ვიზიტი განსაკუთრებული დატვირთვის მატარებელია და ქვეყნისთვის ასეთ მნიშვნელოვან პერიოდში ევროკავშირის მხრიდან მხარდაჭერის კიდევ ერთ ნათელ მაგალითს წარმოადგენს", — აცხადებს საგარეო საქმეთა სამინისტრო