რა ხდება: შსს-მ, ამერიკის საელჩოს დიპლომატიური უსაფრთხოების სამსახურთან ერთად, საქართველოში დააკავა წითელი ცირკულარით ძებნილი აშშ-ის მოქალაქე.

  • სამინისტროს ინფორმაციით, ინტერპოლი მას არაერთი მძიმე დანაშაულისთვის ეძებდა.

დეტალები: მას ტეხასის შტატში რამდენიმე ბრალდება ჰქონდა წარდგენილი,

  • სექსუალურად ძალადობდა 14 წლის ქვემოთ ასაკის მოზარდებზე,
  • სცადა ოჯახის წევრის გაგუდვა და თავს დაესხა მას იარაღით.

დაკავების ორდერშია, ასევე, ლუიზიანას შტატის შვიდი ბრალდება: ყალბი საჯარო ჩანაწერების წარდგენის, თაღლითური გზით დოკუმენტების გაყალბებისა და ორი ქურდობის ბრალდება 5000$-დან 25000$-მდე.

როგორ მოახერხა მან საქართველოში შემოსვლა: შსს-ის ინფორმაციით, ბრალდებული, საქართველოში 2023 წლის აპრილში, ჯერ კიდევ მაშინ შემოვიდა, ვიდრე მასზე საერთაშორისო ძებნა გამოცხადდებოდა.

  • ინტერპოლმა მისი წითელი ცირკულარით ძებნა ივნისიდან დაიწყო.
  • ამ დროისთვის დაკავებული გადაყვანილია პენიტენციურ დაწესებულებაში და მის მიმართ კანონით გათვალისწინებული საექსტრადიციო პროცედურები მიმდინარეობს.