ძლიერი წვიმების გამო, საავტომობილო გზების ზოგიერთ მონაკვეთზე, ავტოტრანსპორტის მოძრაობა შეზღუდულია. ინფორმაციას რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.

უწყების ინფორმაციით, შეზღუდვებია დაწესებული:

  • ჟინვალი-ბარისახო-შატილის საავტომობილო გზის კმ 60 - კმ 100 და 66-ე კმ-ზე არსებული ხევებიდან ღვარცოფული გამონატანების გამო, ყველა სახის ავტოტრანსპორტის მოძრაობა აკრძალულია;
  • თეთრიწყარო-ქსოვრეთი-გუდარეხი-სამონასტრო კომპლექსის საავტომობილო გზის კმ5-კმ14 მონაკვეთზე მეწყრული პროცესების გააქტიურების გამო ყველა სახის ავტოტრანსპორტის მოძრაობა აკრძალულია.

მოძრაობა აკრძალული იყო ქუთაისი-ალპანა- მამისონის უღელტეხილის გარკვეულ მონაკვეთზეც, თუმცა, ავტომობილები ამ გზაზე თითქმის ორი საათია უკვე გადაადგილდებიან.