ცნობილი მსახიობი თენგიზ არჩვაძე 91 წლის ასაკში გარდაიცვალა. მსახიობს კარიერის განმავლობაში 45 კინოროლი აქვს შესრულებული. ის 1954 წლიდან მარჯანიშვილის თეატრში მოღვაწეობდა. 1967-1972 წლებში ის რუსთაველის თეატრის მსახიობი იყო.

არჩვაძეს საზოგადოება გამორჩეული როლებით იცნობდა ფილმებში: მოკვეთილი, დედა, მე ვხედავ მზეს, თვალი პატიოსანი, როცა ქალაქს სძინავს, კვაჭი კვაჭანტირაძე. მსახიობი თამაშობდა ფილმებში: კეთილი ადამიანები, ერთი ცის ქვეშ, ხევისბერი გოჩა, დიდოსტატის მარჯვენა, დათა თუთაშხია, შეხვედრა მთაში, მალე გაზაფხული მოვა და სხვ.

თენგიზ არჩვაძეს საქართველოს დამსახურებული და სახალხო არტისტის წოდება და ასევე, სახელმწიფო და რუსთაველის პრემია ჰქონდა. 2011 წლის 25 იანვარს მარჯანიშვილის თეატრის წინ გაიხსნა მისი სახელობის ვარსკვლავი.