აშშ-ის პრეზიდენტი არ არის დარწმუნებული, რომ ჰამასის მიერ გავრცელებული ცნობები, ღაზაში დაღუპულების რაოდენობის შესახებ, სიმართლეს შეესაბამება.

  • ბაიდენს პრესკონფერენციაზე კითხეს, ასრულებს თუ არა ისრაელის პრემიერ-მინისტრი პირობას, მშვიდობიან მოსახლეობას შორის მსხვერპლის მინიმუმამდე დაყვანის შესახებ.
  • "მე არ ვიცი, პალესტინელები სიმართლეს ამბობენ თუ არა დაღუპულების რაოდენობაზე. დარწმუნებული ვარ, უდანაშაულო ადამიანები დაიღუპნენ და ეს არის ომის ფასი. ვფიქრობ, ჩვენ ძალიან ფრთხილად უნდა ვიყოთ, ისრაელი უნდა იყოს დარწმუნებული, რომ ფოკუსირებულია მათზე, ვინც მის წინააღმდეგ ომი გააჩაღა," - თქვა ბაიდენმა.

რა ვიცით ღაზაში გარდაცვლილებზე: პალესტინის ჯანდაცვის სამინისტროს ინფორმაციით, 7 ოქტომბრის შემდეგ, 6500-ზე მეტი ადამიანი დაიღუპა.

  • მათგან 2700-ზე მეტი ბავშვია.
  • ალტერნატიული წყარო, ღაზაში დაღუპულთა რაოდენობის შესახებ, არ არსებობს.