დეტალები: საფრანგეთის პრეზიდენტი ემანუელ მაკრონი და ნიდერლანდების პრემიერ-მინისტრი მარკ რუტე ისრაელში ჩავლენ.

  • ისრაელის მთავრობის მიერ გავრცელებულ განცხადებაში ნათქვამია, რომ რუტე თელ-ავივში დღეს ჩაფრინდება, მაკრონს კი ხვალ ელოდებიან.
  • ნიდერლანდების პრემიერ-მინისტრის აპარატის ინფორმაციით კი, რუტე შეხვდება როგორც ნეთანიაჰუს, ასევე— პალესტინის პრეზიდენტს, მაჰმუდ აბასს.
  • მაკრონის ისრაელში გამგზავრების შესახებ ინფორმაცია დაადასტურა ელისეის სასახლემაც.
  • ჯერჯერობით, მედია არ წერს, თუ რა იქნება ისრაელში ემანუელ მაკრონის ჩასვლის მთავარი მიზანი.
  • 7 ოქტომბერს, ჰამასის წევრების მიერ მოკლულთა შორის საფრანგეთის 30 მოქალაქე იყო.

მანამდე, ისრაელში უკვე იმყოფებოდნენ დიდი ბრიტანეთის პრემიერი რიში სუნაკი, აშშ-ის პრეზიდენტი ჯო ბაიდენი და გერმანიის კანცლერი ოლაფ შოლცი.