მოკლედ: სპეციალური საგამოძიებო სამსახურის ცნობით, ნაცნობი ქალის ადევნების ფაქტზე, შსს-ს ქვემო ქართლის პოლიციის თანამშრომელი ამხილეს.

რატომ არის მნიშვნელოვანი: ადევნება არის ქალთა მიმართ ძალადობის ერთ-ერთი ფორმა და საქართველოში დასჯადია 2017 წლის შემდეგ.

  • ადევნებად განისაზღვრება პირის, მისი ოჯახის წევრის ან სხვა ახლო ნათესავის არაკანონიერი თვალთვალი.
  • არასასურველი კომუნიკაცია სატელეფონო, ელექტრონული ან სხვა საშუალებებით.
  • მუქარა, რაც აიძულებს პირს, მნიშვნელოვნად შეცვალოს ცხოვრების წესი.
  • ყველა ასეთი ქმედება დასჯადია ორ წლამდე თავისუფლების აღკვეთით.

დეტალები: უწყების ცნობით, სამართალდამცავი ქალისთვის არასასურველ კომუნიკაციას ცდილობდა რუსთავში, 2022 წლის სექტემბრიდან 2023 წლის თებერვლამდე პერიოდში.

  • შეხვედრის მოთხოვნით უკავშირდებოდა ტელეფონითა და სოციალური ქსელებით;
  • ემუქრებოდა მიმოწერის შესახებ ინფორმაციის გავრცელებით;
  • უკანონოდ აკონტროლებდა ქალის გადაადგილებას.

როგორ უნდა მოიქცეთ, თუ ფიქრობთ, რომ ადევნების მსხვერპლი ხართ:

  • მიმართეთ შინაგან საქმეთა სამინისტროს.
  • უწყება ვალდებულია, დაიწყოს გამოძიება.
  • საჭიროების შემთხვევაში, უფასო იურიდიული სერვისებისთვის შეგიძლიათ მიმართოთ არასამთავრობო ორგანიზაციებსა და ქალთა ორგანიზაციებს.