სერიალი The Crown (გვირგვინი), რომელიც ბრიტანეთის სამეფო ოჯახს ეხება, მაყურებელმა პირველად 2016 წელს იხილა და მალევე შეიყვარა. ამჟამად შოუს ბოლო, მე-6 სეზონის გამოსვლას ველით, რომელიც სამეფო ოჯახში 2000 წლის შემდგომ მომხდარ ამბებზე მოგვიყვება.

სერიალის მე-5 და მე-6 სეზონებში დედოფალ ელიზაბეთის როლს ცნობილი ინგლისელი მსახიობი იმელდა სტონტონი ასრულებს, რომელმაც სხვა დასამახსოვრებელი შესრულებების გარდა, ჰარი პოტერში პროფესორი ამბრიჯის როლით სამუდამოდ დაგვამახსოვრა თავი.

"გვირგვინი მუდმივობის სიმბოლოა. ეს არის ის, რაც ხარ და არა ის, რასაც აკეთებ. საკუთარი თავის ნაწილს ძალაუნებურად ვკარგავთ. ჩვენ ყველამ გავიღეთ მსხვერპლი. ეს არ არის არჩევანი, ეს მოვალეობაა. მაგრამ რა შეიძლება ითქვას იმ ცხოვრებაზე, რომელიც დავთმე? იმ ქალზე, რომელიც გვერდით გადავდე?" — დედოფალ ელიზაბეთის პერსონაჟი ტრეილერს ამ ფრაზით იწყებს.

მე-6 სეზონი ორ ნაწილად გამოვა — პირველი ნაწილის პრემიერა 16 ნოემბერს იგეგმება, მეორესი კი 14 დეკემბერს.

ნახეთ ტრეილერი: