რატომ არის მნიშვნელოვანი: 22 სექტემბერს ენმ-ს თბილისის საკრებულოს ფრაქციის წევრს, ირაკლი ეძგვერაძეს გლდანში, საკუთარ სახლთან თავს დაესხნენ და ფიზიკურად გაუსწორდნენ. ის საავადმყოფოში გადაიყვანეს.

  • შსს-ს განცხადებით, აღნიშნულ ფაქტთან დაკავშირებით, ძალადობის ბრალდებით 6 პირი დაკავეს.
  • დაკავებულები არიან: 1988 წელს დაბადებული ე.ჩ., 1996 წელს დაბადებული ტ.ხ.,1988 წელს დაბადებული გ.ქ., 1989 წელს დაბადებული ლ.ა., 1997 მ.ს. და 1994 წელს დაბადებული ბ.ა.

დეტალები: გამოძიება ორი ან მეტი პირის მიმართ ჯგუფურად ჩადენილი ძალადობის ფაქტზე, სისხლის სამართლის კოდექსის 126-ე მუხლის პირველი პრიმა ნაწილის "ბ" და "გ" ქვეპუნქტებით მიმდინარეობს.

  • დანაშაული 2 წლამდე ვადით თავისუფლების აღკვეთას ითვალისწინებს.