რატომ არის მნიშვნელოვანი: 22 სექტემბერს გლდანში ნაციონალური მოძრაობის ყოფილი თავმჯდომარე, ნიკა მელია და პარტიის წევრები, ბაჩო დოლიძე და ზვიად კუპრავა დააკავეს.

  • ისინი გლდანში პარტიის თბილისის საკრებულოს ფრაქციის წევრის, ირაკლი ეძგვერაძის მხარდასაჭერად მივიდნენ, რომელსაც მისივე თქმით, 30-მდე ადამიანი თავს დაესხა და ფიზიკურად გაუსწორდა.
  • შსს-ს ცნობით, მელიას, დოლიძესა და კუპრავასთან დაკავშირებით გამოძიება სისხლის სამართლის კოდექსის 353-ე პრიმა მუხლით მიმდინარეობს, რაც სამსახურებრივი საქმიანობის შესრულების დროს პოლიციელზე თავდასხმას გულისხმობს.
  • ეძგვერაძე ამბობს, რომ ამ თავდასხმის უკან ქართული ოცნების გლდანის მაჟორიტარი დეპუტატი, კონსტანტინე ზარნაძეა.
  • ენმ-ში ამბობენ, რომ ეს თავდასხმა იყო საკრებულოში მომხდარი ინციდენტის გაგრძელება.
  • თავდასხმამდე ცოტა ხნით ადრე, ეძგვერაძე და ზარნაძე საკრებულოს სხდომაზე ერთმანეთს ფიზიკურად დაუპირისპირდნენ.
  • ზარნაძემ ეძგვერაძეს საქართველოს, უკრაინისა და ევროკავშირის დროშები ესროლა.

სახალხო დამცველის განცხადებით, ომბუდსმენის რწმუებული გლდანში განვითარებული მოვლენების შედეგად დაკავებულ მელიას, დოლიძესა და კუპრავას შეხვდა.

  • განცხადებაში აღნიშნულია, რომ ნიკა მელიამ მასთან შეხვედრისას პოლიციის თანამშრომელთა მხრიდან სიტყვიერი და ფიზიკური შეურაცხყოფის ფაქტზე ისაუბრა.
  • სახალხო დამცველის ცნობით, ის გააგრძელებს დაკავებულთა სავარაუდო უფლებადარღვევის ფაქტების შესწავლას.