მმართველი პარტიის, ქართული ოცნების თბილისის მერობის კანდიდატმა, კახა კალაძემ განაცხადა, რომ მისი კანდიდატურის დაყენება პრემიერ-მინისტრ გიორგი კვირიკაშვილის იდეა იყო. ამის შესახებ, მან ინგა გრიგოლიას გადაცემა რეაქციაში ისაუბრა. მისივე თქმით, მანამდე მას პარლამენტის თავმჯდომარეობა შესთავაზეს, რაზეც უარი თქვა:

"მე სადაც ვერ ვხედავ ჩემი შესაძლებლობების გამოვლინებას, ნამდვილად ვერ ავიღებ იქ პასუხისმგებლობას. შემდეგ გიორგის შემოთავაზება იყო, რომ საუკეთესო ვარიანტი იქნებოდა თუ წარმადგენდნენ მერობის კანდიდატად, რაზეც დავთანხმდი. მე კარგად მესმის ყველა ის პრობლემა, რაც აწუხებს თბილისს და მჯერა, რომ ჩემს გუნდთან ერთად შემწევს ძალა აბსოლუტურად განსხვავებული რეალობა შევქმნათ ოთხი წლის თავზე დედაქალაქში".

პირველ ივლისს, ქართული ოცნების პოლიტსაბჭოს წევრებმა ერთხმად დაუჭირეს მხარი ვიცე-პრემიერ კახა კალაძის კანდიდატურას, თბილისის მერის არჩევნებისთვის.

საქართველოს პრეზიდენტის, გიორგი მარგველაშვილის განცხადებით, მთავრობასთან შეთანხმებით გადაწყდა, რომ თვითმმართველობის არჩევნები ოქტომბრის მესამე კვირის ბოლოს გაიმართება.