რატომ არის მნიშვნელოვანი: საოკუპაციო რეჟიმი როგორც აფხაზეთის, ისე ცხინვალის რეგიონის მიმდებარედ საქართველოს მოქალაქეებს იტაცებს ან უკანონოდ აპატიმრებს.

  • მაგალითად, ცხინვალის დე ფაქტო უსაფრთხოების სამსახურის ცნობით, ე.წ. საზღვრის უკანონო კვეთის ბრალდებით მხოლოდ ერთ თვეში 45 პირი დააკავეს.
  • ოკუპირებულ რეგიონებში ციხეებში ხშირად ირღვევა ადამიანის უფლებები.

დეტალები: უწყების ინფორმაციით, 15 სექტემბერს, რუსეთის საოკუპაციო ძალების წარმომადგენლებმა, დუშეთის მუნიციპალიტეტის სოფელ ოძისის მიმდებარედ, უკანონოდ დააკავეს საქართველოს მოქალაქე.

  • უწყების განცხადებით, გაააქტიურეს ევროკავშირის სადამკვირვებლო მისიის მიერ ოპერირებული ცხელი ხაზი.
  • ასევე, აცნობეს საერთაშორისო პარტნიორებსა და ჟენევის საერთაშორისო დისკუსიების თანათავმჯდომარეებს.
  • "ამოქმედებულია ყველა არსებული მექანიზმი უკანონოდ დაკავებული საქართველოს მოქალაქის უმოკლეს ვადებში გასათავისუფლებლად", — ვკითხულობთ განცხადებაში.
  • სუს ოკუპირებულ ტერიტორიებზე, ასევე, საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობას საოკუპაციო ძალებს აკისრებს.