რატომ არის მნიშვნელოვანი: 28 აგვისტოს ევროპული საბჭოს პრეზიდენტმა, შარლ მიშელმა განაცხადა, რომ 2 030 წლისთვის ევროკავშირი მზად უნდა იყოს ახალი წევრების მისაღებად.

  • "ეს არის ამბიციური, მაგრამ აუცილებელი. ეს აჩვენებს, რომ ჩვენ სერიოზულები ვართ. შესაძლებლობების ფანჯარა ღიაა, ჩვენ უნდა ვისარგებლოთ ამით", — თქვა მან.
  • ამავე კონტექსტში მიშელმა უკრაინაზე, მოლდოვასა და საქართველოზეც ისაუბრა და აღნიშნა, რომ "გაფართოება აღარ არის ოცნება".

დეტალები: ევროკომისიის პრესსპიკერმა, დანა სპინატმა გაფართოების კითხვის პასუხად თქვა, რომ კონკრეტულ თარიღზე ორიენტირებულები არ არიან.

  • შარლ მიშელის განცხადებაზე მან კომენტარი არ გააკეთა და აღნიშნა, რომ კომისია კანდიდატებთან მჭიდრო თანამშრომლობაზე მუშაობს.
  • "ჩვენ თარიღზე არ ვართ ორიენტირებული, ორიენტირებული ვართ, რომ კანდიდატ ქვეყნებთან ძალიან მჭიდროდ ვითანამშრომლოთ, რათა მათი ევროკავშირში გაწევრიანებისთვის მოვემზადოთ. ორიენტირებული ვართ იმ რეფორმების მხარდაჭერაზე, რომლებსაც ვახორციელებთ. ჩვენ ვახორციელებთ ინვესტიციებს, რომლებიც ეხმარება მათ, განავითარონ თავიანთი ეკონომიკები და მიუახლოვდნენ მოთხოვნებს, რომლებიც მნიშვნელოვანია ევროკავშირში გაწევრიანებამდე", — განაცხადა სპინატმა.