პარტია ნაციონალური მოძრაობის თბილისის მერობის კანდიდატმა, ზაალ უდუმაშვილმა, ინგა გრიგოლიას გადაცემა რეაქციაში განაცხადა, რომ კახა კალაძე თბილისელებში სუპერ არაპოპულარულია.

უდუმაშვილმა დასძინა, რომ ამით "თბილისელობას" არ უსვამს ხაზს:

"ყველა ვინც თბილისში ცხოვრობს, არის თბილისელი. ძალიან შორს ვარ იმ აზრისგან, რომ თბილისელი აუცილებლად უნდა იყოს ცხრა თაობა თბილისელი. თუმცა, კალაძე თბილისელების არჩევანით ვერ გაიმარჯვებს".

უდუმაშვილი აცხადებს, რომ კალაძესთან დაპირისპირება რთული იქნება, რადგან მის უკან დიდი ფულადი და სახელმწიფო რესურსი დგას, თუმცა მიიჩნევს, რომ საბოლოო არჩევანს ხალხი გააკეთებს.

მმართველი პარტია ქართული ოცნება მერობის კანდიდატს ხვალ წარადგენს.