7-წლიანი ქორწინების შემდეგ სოფია ვერგარამ და ჯო მანგანიელომ დაშორება გადაწყვიტეს. წყვილმა საზოგადოებას ერთობლივი განცხადებით შეატყობინა, რომ განქორწინებას აპირებენ.

"საკმაოდ რთული გადაწყვეტილება მივიღეთ განქორწინებასთან დაკავშირებით. როგორც ორი ადამიანი, რომლებსაც ერთმანეთი უყვართ და ერთმანეთზე ზრუნავენ, თქვენგან ვითხოვთ, რომ ამ პერიოდში ჩვენს პირად ცხოვრებას პატივი სცეთ, რათა ახალ ეტაპზე გადასვლა შევძლოთ", — ვკითხულობთ წყვილის განცხადებაში.

ფოტო: Instagram


ფანებს წყვილის დაშორების შესახებ ეჭვები აქამდეც ჰქონდათ. ამის მიზეზი კი სოფია ვერგარას დაბადების დღეა, რომელიც 51 წლის მსახიობმა იტალიაში მეგობრებთან ერთად აღნიშნა. დაბადების დღის ფოტოებზე სოფიასა და ჯოს ქორწინების ბეჭდები არ ეკეთათ, რაც ფანებმა მაშინვე შენიშნეს.

სოფია და ჯო ერთმანეთს 2014 წელს შეხვდნენ. 6-თვიანი ურთიერთობის შემდეგ კი წყვილმა საზოგადოებას ნიშნობის შესახებ აცნობა. წყვილი 2015 წელს დაქორწინდა, მათი დაშორების მიზეზებზე კი მედიასთან საუბარზე უარი განაცხადეს.