რატომ არის მნიშვნელოვანი: პუტინის განკარგულებით, 17 მაისიდან პირდაპირი ფრენები აღდგა. ოკუპანტი ქვეყნის ბრძანებისთანავე, საქართველოში ფრენის სურვილი არაერთმა კომპანიამ გამოთქვა.

  • Georgian Airways-ს იყო ერთ-ერთი რომელმაც, რუსეთში ფრენები მოისურვა — სამოქალაქო ავიაციის სააგენტომ კი ავიაკომპანიაზე ნებართვა 16 მაისს გასცა.
  • პირველ ივნისს უკრაინამ კომპანიის დირექტორი, დასასანქცირებელ პირთა სიაში შეიყვანა.
  • დღეს კი ცნობილი გახდა, რომ უკრაინამ ავიაკომპანია დაასანქცირა, ხოლო გაიაშვილს პერსონალური სანქციები დაუწესა.

დეტალები: განკარგულებას ხელი უკრაინის პრეზიდენტმა, ვოლოდიმირ ზელენსკიმ მოაწერა.

  • ის ითვალისწინებს აქტივების ბლოკირებას, სავაჭრო ოპერაციების შეწყვეტას, უკრაინის ტერიტორიაზე ფრენებისა და ტრანზიტის აკრძალვას და ა.შ.
  • მთლიანობაში უკრაინამ სანქციები 190-ზე მეტ ფიზიკურ და 290-ზე მეტ იურიდიულ პირს დაუწესა.