ამის შესახებ ფეისბუქგვერდზე ახალგაზრდა იურისტთა ასოციაციის თავმჯდომარე, ნონა ქურდავანიძე წერს.

რატომ არის მნიშვნელოვანი: ქურდოვანიძის თქმით, ადმინისტრაციულ სამართალდარღვევათა კოდექსის გამოყენების პრაქტიკაში ახალი, სახიფათო ტენდენციეიბიც გამოიკვეთა.

  • მაგალითად ორგანიზაციის თავმჯდომარე ასახელებს საქმეს, რომლის მიხედვითაც, ონლაინსივრცეში გამოთქმული მოსაზრების გამო პირი ადმინისტრაციული წესით დააკავეს და სამართალდამრღვევად ცნეს.
  • საიას ცნობით, თბილისის საქალაქო სასამართლომ 2023 წლის 10 მარტის დადგენილებით, ტიკ-ტოკზე განთავსებული ვიდეოს შინაარსის გამო, კურიერი ადმინისტრაციულ სამართალდამრღვევად ცნო.
  • მას სანქციის სახედ და ზომად 2 000 ლარის ოდენობით ჯარიმა განესაზღვრა.
  • "ვიდეო ამ სათაურით იყო — "ვისაც გინების მოსმენა არ გსურთ, არ უყუროთ და არ უსმინოთ".

დეტალები: ქურდოვანიძის ინფორმაციით, ვიდეოს ავტორი თბილისის სატრანსპორტო პოლიტიკის გამო მწვავე პროტესტს გამოხატავდა — აკრიტიკებდა იმ ადამიანებს, რომლებიც სამსახურებრივ უფლებამოსილებას ბოროტად იყენებენ და პრივილეგირებული მდგომარეობით სარგებლობენ.

  • "პროტესტი მიემართება იმ ადამიანებს, რომლებიც საკუთარ თავს უფლებას აძლევენ, იმოძრაონ საზოგადოებრივი ტრანსპორტისთვის განკუთვნილ ზონაში (ე.წ. ბასლაინი), სადაც ნებისმიერი პირისთვის, თანამდებობის მიუხედავად, გადაადგილება აკრძალულია".
  • მისივე ცნობით, ვიდეოს ავტორი მწვავენ აკრიტიკებდა და ლანძღავდა იმ პოლიციელებს, რომლებიც შერჩევითად აჯარიმებენ მოქალაქეებს, ხოლო სახელმწიფო უწყებების თანამშრომლებსა და მათთან დაახლოებულ პირებს დარღვევაზე პასუხს არ სთხოვენ.