ინფორმაციას საქართველოს ახალგაზრდა იურისტთა ასოციაცია ავრცელებს.

რატომ არის მნიშვნელოვანი: 2019 წლის 20 ივნისს აქცია მას შემდეგ დაიწყო, რაც რუსეთის დუმის დეპუტატი საქართველოს პარლამენტის თავმჯდომარის სავარძელში დაჯდა.

  • ხალხმრავალი აქცია პარლამენტის თავმჯდომარის გადადგომის მოთხოვნით გაგრძელდა.
  • ირაკლი კობახიძე მხოლოდ მომდევნო დღეს გადადგა, მანამდე სპეცრაზმმა აქციაზე შეკრებილები ცრემლსადენი გაზისა და რეზინის ტყვიების გამოყენებით დაშალა.
  • რამდენიმე მოქალაქემ დაკარგა თვალი.

დეტალები: ორგანიზაციის ცნობით, 20-21 ივნისს აქციის დარბევისას დაზარალებული პირის სასარგებლოდ საქალაქომ თითქმის 2,5-წლიანი განხილვის შემდეგ გადაწყვეტილება მიიღო.

  • სარჩელი ნაწილობრივ დაკმაყოფილდა და მოპასუხე შსს-ს დაეკისრა მისთვის მორალური ზიანის ანაზღაურება 30 000 ლარის ოდენობით.
  • ასევე, შრომისუნარიანობის შემცირების გამო ყოველთვიური სარჩოს სახით 1 155 ლარის გადახდა 2019 წლის 21 ივნისიდან სიცოცხლის ბოლომდე.
  • როგორც საია მიუთითებს, ამ საქმეზე სასამართლოს გადაწყვეტილება მნიშვნელოვანია იმ თვალსაზრისით, რომ ერთი მხრივ, დადგინდა სახელმწიფოს მიერ მოსარჩელესთან მიმართებით უკანონო და არაპროპორციული ძალის გამოყენება.
  • ამასთან, ქართულ სასამართლო პრაქტიკაში არაა ხშირი ამ მოცულობით მორალური ზიანის ანაზღაურების შემთხვევები.