გერმანიის კანცლერმა, ანგელა მერკელმა ერთნაირსქესიანთა ქორწინების დაკანონებაზე საკუთარი პოზიცია შეარბილა.

ცნობილ გერმანული ჟურნალ Brigitte-თან ხუთწუთიანი ინტერვიუსას, მერკელს დარბაზში მყოფმა დაუსვა შეკითხვა, თუ როდის მიეცემოდა პარტნიორ კაცთან ქორწინების უფლება.

კანცლერმა უპასუხა, რომ ბუნდესტაგში მმართველის გარდა, ყველა დანარჩენი პარტია ერთნაისქესიანთა ქორწინების მომხრეა, შემდეგ კი მან მოულოდნელად პოლიტიკური განაცხადი გააკეთა და თქვა, რომ საპარლამენტო დებატები "სინდისზე დაფუძნებულ გადაწყვეტილებაში" გადაიზრდება.

"ერთნაირსქესიანთა ქორწინება ნამდვილად პერსონალური თემაა", - თქვა მერკელმა და დაამატა, რომ კანონმდებლები ამ საკითხს განსხვავებულად უნდა მიუდგნენ: "დაუშვებელია ამ თემის პოლიტიზირება".

მალე ბუნდესტაგში კენჭს უყრიან საკითხს, რამდენიმე თვეში იქცევა თუ არა რეალობად გერმანიაში ლგბტ პირთა ქორწინება.

ანგელა მერკელის კონსერვატიული პარტია, ქრისტიან-დემოკრატები, სოციალ-დემოკრატების, თავისუფალი დემოკრატებისა და მწვანეებისგან განსხვავებით, წარსულში ეწინააღმდეგებოდა გეი ქორწინებას.

სოციალ-დემოკრატიული პარტიის ლიდერმა, ევროპარლამენტის ყოფილმა პრეზიდენტმა, მარტინ შულცმა ფეისბუქზე დაწერა, რომ მიმდინარე კვირას გერმანიაში ქორწინების თანასწორობის საკითხი გადაწყდება:

მერკელის კომენტარმა დებატები გამოიწვია და #Ehefüralle (ქორწინება ყველასთვის) უკვე ტრენდულია ტვიტერზე.

ლგბტ პირთა ქორწინება გერმანიის ბევრ პარტნიორ ქვეყანაშია დაკანონებული, მათ შორის, ნიდერლანდებში, ბელგიაში, საფრანგეთში, ესპანეთსა და დიდ ბრიტანეთში.