რატომ არის მნიშვნელოვანი: ორგანიზაციის ხელმძღვანელის, დეა ერემაშვილის ინფორმაციით, მსგავსი ფაქტები, სავარაუდოდ, სამი წელია ხდება, არასრულწლოვნების ასაკი კი 8 წლიდან იწყება.

  • მისივე თქმით თქმით, სმენადაქვეითებულ ბავშვებს თბილისში, ბათუმსა და ქუთაისში ავიწროებდნენ.
  • შშმ ქალთა ორგანიზაციის ხელმძღვანელი ამბობს, რომ განცხადებით აჭარის პროკურატურას უკვე მიმართა.

დეტალები: ერემაშვილის ინფორმაციით, საუბარია სხვადასხვა სიმძიმის შევიწროებაზე.

  • მისივე განცხადებით, არსებობს 27-ზე მეტი ვიდეოჩანაწერი, რომელიც მის მონაყოლს ადასტურებს.
  • "ჯაჭვური რეაქცია გამოიწვია ამ საუბრის დაწყებამ და მერე უკვე არაერთი ალაპარაკდა ამ საკითხზე. არის სხვადასხვა ტიპის ჰარასმენთზე საუბარი, არასასურველ შეხებაზე, უფრო მძიმე ფორმაზე, პირადი ცხოვრების ვიდეოს გაგზავნაზე. გამოჩნდა, რეალურად, ის პრობლემა, რომ, როდესაც ხდება ყრუთა თემის სეგრეგაცია და არ ისწავლება ჟესტური ენა სკოლაში, სხვა დანარჩენს საზოგადოებას არ გვაქვს ამ ადამიანებამდე წვდომა", — თქვა მან.
  • როგორც On.ge-ს შსს-ში განუცხადეს, გამოძიება სავარაუდო სექსუალური დანაშაულის ფაქტზე დაიწყო.