ინფორმაციას რუსული პროპაგანდისტული მედია, TASS ავრცელებს კომპანიის პრესსამსახურზე დაყრდნობით.

რატომ არის მნიშვნელოვანი: 10 მაისს პუტინმა საქართველოსთან სავიზო რეჟიმი გააუქმა და პირდაპირი ფრენებიც დაუშვა.

  • გაუქმდა შეზღუდვა, რომელიც რუსულ ავიაკომპანიებს საქართველოში ფრენას უკრძალავდა.
  • მალევე, საგარეო საქმეთა სამინისტრომ გააუქმა რეკომენდაცია რუსეთის მოქალაქეებისთვის, რომ თავი შეიკავონ საქართველოში მოგზაურობისგან.
  • სერგეი ლავროვის უწყებამ აღნიშნა, რომ ეს გადაწყვეტილებები პრინციპული მიდგომის შესაბამისია "ორი ქვეყნის მაცხოვრებლებს შორის კომუნიკაციის გასაადვილებლად".

დეტალები: კომპანიას სურვილი აქვს რეისები თბილისში, ქუთაისსა და ბათუმში განახორციელოს, კვირაში 21 ჯერ.

  • "ვადასტურებთ, რომ Red Wings არის დანიშნული გადამზიდავი საქართველოში. ავიაკომპანიამ უკვე გამოითხოვა სლოტები მოსკოვი-თბილისის, ქუთაისის და ბათუმის მიმართულებით", — აცხადებენ ავიაკომპანიაში.
  • განრიგის შედგენისა და რეისების დაწყების პროცესში კომპანია რუსეთის ტრანსპორტის სამინისტროს გადაწყვეტილებით იხელმძღვანელებს.

Red Wings: როგორც კომპანიის ვებგვერდზეა მითითებული, Red Wings-ი 1999 წელს დაარსდა და დღეს რუსეთის ათი უმსხვილესი ავიაკომპანიიდან ერთ-ერთია, რომელიც სპეციალიზებულია დაგეგმილ და ჩარტერულ მგზავრთა გადაზიდვაში.

  • Red Wings-ის მარშრუტების ქსელი შედგება 100-ზე მეტი რუსული და საერთაშორისო მიმართულებისგან.