ამის შესახებ მოლდოვის პარლამენტის თავმჯდომარემ, იგორ გროსუმ პრესკონფერენციაზე განაცხადა.

რატომ არის მნიშვნელოვანი: მოლდოვა ალიანსს 30 წლიანი წევრობის შემდეგ ტოვებს.

  • დამოუკიდებელ სახელმწიფოთა თანამეგობრობა (დსთ) არის რეგიონული ორგანიზაცია, რომელიც საბჭოთა კავშირის ყოფილი ფედერალური 9 რესპუბლიკის მიერ ჩამოყალიბდა.
  • ორგანიზაცია რუსეთმა საბჭოთა კავშირის ნანგრევებზე შექმნა.
  • მოლდოვა 1991 წლიდან ცდილობს რუსული გავლენებისგან განთავისუფლებას.
  • პრორუსი ლიდერის შემდეგ, ქვეყანაში ვადამდელ არჩევნებზე ამჟამინდელი პრეზიდენტის, მაია სანდუს გამარჯვებით ხელისუფლებაში პროდასავლური პარტია მოვიდა.

დეტალები: გროსუს განცხადებით, გადაწყვეტილება მიღებული იქნა პრეზიდენტ მაია სანდუსთან, PAS პარტიასთან და მოლდოვის მოქალაქეებთან კონსულტაციების შემდეგ.

  • "30 წლის შემდეგ გაირკვა, რომ მოლდოვას რესპუბლიკის ყოფნა დსთ-ს სტრუქტურებში არ დაგვეხმარა რუსეთის არმიის რესპუბლიკის ტერიტორიიდან გაყვანაში", — აღნიშნა გროსუმ.
  • "დსთ-ს ასამბლეიდან გამოსვლა პირველი ნაბიჯია. მოლდოვას რესპუბლიკა არის თავისუფალი ქვეყანა სუვერენული გადაწყვეტილებების მისაღებად. ჩვენ ვაჩვენეთ, რომ გვინდა დემოკრატია", — დასძინა მან.