რატომ არის მნიშვნელოვანი: რუსეთი სისტემატურად ბომბავს უკრაინას და ხშირად პროპაგანდისტული მოტივებით იღებს სამიზნეებს.

  • როგორც უკრაინის თავდაცვის სამინისტრომ განაცხადა, სწორედ იმ დროს, როდესაც ევროპაში მუსიკის, ერთიანობისა და სინათლის ზეიმი იმართებოდა, ოკუპანტებმა ქვეყანა საკრუიზო რაკეტებით დაბომბეს.
  • საჰაერო იერიშის დროს აფეთქებების ხმა გაისმა ტერნოპოლშიც — წლევანდელ კონკურსზე უკრაინას წარადგენდა ჯგუფი TVORCHI სწორედ ამ ქალაქიდან.
  • მათ შეასრულეს "Heart of Steel" — სიმღერა ჯარისკაცების შესახებ, რომლებმაც წინააღმდეგობა გაუწიეს რუსეთის ძალებს მარიუპოლში, აზოვსტალის ქარხანაში.
აფეთქების შედეგები ტერნოპოლში

აფეთქების შედეგები ტერნოპოლში

ფოტო: Reuters / Scanpix / LETA

დეტალები: ტერნოპოლის რეგიონალური სამხედრო ადმინისტრაციის ხელმძღვანელმა, ვოლოდიმირ ტრუშმა განაცხადა, რომ აფეთქების შედეგად ორი ადამიანი დაშავდა და არასაცხოვრებელ კორპუსს ცეცხლი გაუჩნდა.

  • როგორც BBC წერს, სცენაზე გასვლამდე ათი წუთით ადრე, ჯგუფმა ინსტაგრამზე გამოაქვეყნა ინფორმაცია ტერნოპოლზე თავდასხმის შესახებ.
  • "ტერნოპილი ჰქვია ჩვენს მშობლიურ ქალაქს, რომელიც დაბომბეს რუსებმა მაშინ, როცა ევროვიზიის სცენაზე ვმღეროდით ჩვენს ფოლადის გულებზე, შეუპოვრობაზე და ნებაზე", — დაპოსტა ჯგუფმა ინსტაგრამზე გამოსვლის დასრულების შემდეგ.

  • TVORCHI აღნიშნავს, რომ ეს არის ოკუპანტების მესიჯი უკრაინის ყველა ქალაქისთვის, რომელიც ყოველდღიურად იბომბება.

  • "ევროპა, გაერთიანდი ბოროტების წინააღმდეგ მშვიდობისთვის! დიდება უკრაინას!" — წერს TVORCHI.