ინფორმაციას სახელმწიფო უსაფრთხოების სამსახური ავრცელებს.

რატომ არის მნიშვნელოვანი: რუსეთის საოკუპაციო ძალებმა 11 მაისს, გორის მუნიციპალიტეტის სოფელ მეჯვრისხევის მიმდებარედ ოკუპირებულ ტერიტორიაზე უკანონოდ დააკავა გიორგი ტერაშვილი.

  • ოკუპანტი ქვეყანა სისტემატურად არღვევს საერთაშორისო სამართალს და საზღვრისპირა სოფლებიდან მოქალაქეების უკანონო დაკავებას ახორციელებს.

დეტალები: ტერაშვილი თავისუფალია და ცენტრალური ხელისუფლების მიერ კონტროლირებად ტერიტორიაზე იმყოფება.

  • "გიორგი ტერაშვილის დაუყოვნებელი გათავისუფლების მიზნით, აქტიურად გამოიყენებოდა როგორც „ცხელი ხაზის“ მექანიზმი, ასევე ცენტრალური ხელისუფლების ხელთ არსებული ყველა სხვა ინსტრუმენტი", — ნათქვამია უსაფრთხოების სამსახურის გავრცელებულ განცხადებაში.