დონალდ ტრამპმა თავის მხარდამჭერებთან შეხვედრისას განაცხადა, რომ ახალი იდეა აქვს, რომელიც, მისი თქმით, მექსიკას ამერიკის საზღვართან კედლის აშენებაში ფულს დააზოგინებს:

"მე აღმაშენებელი ვარ და როდესაც რაღაც უნიკალურის მშენებლობაზე ვმსჯელობდით, ვსაუბრობდით სამხრეთის საზღვარზე. სადაც მზე აშუქებს, სადაც სიცხეა. ჩვენ გადავწყვიტეთ, რომ კედლის მშენებლობისას ეს იქნებოდა კედელი, რომელიც მზის ენერგიაზე იმუხტება, ის წარმოქმნის ენერგიას და საკუთარ თავს დააფინანსებს. ასე მექსიკას საკმაოდ ნაკლების გადახდა მოუწევს. და ეს კარგია. მართალია? ხომ კარგია? პირველები ხართ, ვისაც ეს ვუთხარი. მზის პანელები ლამაზი იქნება. უბრალოდ, დაფიქრდით, რაც უფრო მაღალი იქნება კედელი, მეტად ღირებული იქნება ის. როგორი იდეაა, კარგი ხომ? მე მოვიფიქრე".

ტრამპის წინასაარჩევნო ერთ-ერთი მთავარი დაპირება მექსიკასთან საზღვარზე კედლის აშენება იყო, რომლითაც, მისი თქმით, ამერიკას კრიმინალებისგან და ემიგრანტებისგან დაიცავდა. მექსიკა კედლის მშენებლობაში ფულის გადახდას არ აპირებს.