დღეს უკრაინის პრეზიდენტი ჰააგაში, სისხლის სამართლის საერთაშორისო სასამართლოს (ICC) შტაბ-ბინაში მივიდა.

რატომ არის მნიშვნელოვანი: ICC იძიებს რუსეთის სავარაუდო სამხედრო დანაშაულებს უკრაინაში და მარტში ვლადიმერ პუტინის დაპატიმრების ორდერი გამოსცა უკრაინიდან ბავშვების სავარაუდო დეპორტაციის გამო.

  • "ჩვენ ყველას გვსურს სხვა ვლადიმერის ნახვა აქ", — განაცხადა ზელენსკიმ და დასძინა, რომ "ეს მოხდება, როცა უკრაინა გაიმარჯვებს".
  • "თუ გადავხედავთ ნებისმიერ აგრესიულ ომს, ყველა მათგანს ერთი საერთო აქვს — ომის ჩამდენს არ სჯეროდა, რომ მათ მოუწევდათ პასუხისგებაში მიცემა იმისათვის, რაც ჩაიდინეს".

დეტალები: ზელენსკიმ დამსწრეებს მადლობა გადაუხადა უკრაინის მხარდაჭერისთვის და პატივისცემა გამოხატა იმ ადამიანების მიმართ, ვინც "აფასებს თავისუფლებას და არ მოითმენს ტირანიას".

  • ზელენსკი ამბობს, რომ ეს ომი უფრო მეტია ვიდრე ერთი ქვეყნის ბედი და დასძინა, რომ ჩვენ არ შეგვიძლია შევაჩეროთ აგრესიული ომები, მაგრამ შეგვიძლია დავამარცხოთ აგრესია, როგორც კრიმინალური იდეა, რომელიც სათავეს იღებს დაუსჯელობას მიჩვეული ადამიანის აზროვნებაში.

  • მისი თქმით, რომ ომს ყოველთვის "იარაღის ძალა" იგებს და მადლობას უხდის ნიდერლანდებს უკრაინას იარაღით მომარაგებისთვის.

  • "გრძელვადიანი მშვიდობა გამარჯვების შემდეგ მიიღწევა სხვა არაფრით, გარდა ღირებულებების სიძლიერით", — დასძენს ის.

უკრაინის პრეზიდენტის თქმით, მხოლოდ აპრილში რუსებმა 6 139 სამხედრო დანაშაული ჩაიდინეს.

  • ზელენსკის თქმით, ამ დანაშაულებმა 207 უკრაინელი მშვიდობიანი მოქალაქის სიკვდილი გამოიწვია, მათ შორისაა 11 ბავშვი.
  • ზელენსკიმ ახსენა გუშინ ხერსონზე მომხდარ თავდასხმა, რომლის დროსაც დაიღუპა 23 და დაშავდა 49 ადამიანი.
  • აუდიტორიამ წუთიერი დუმილით პატივი მიაგო ომში დაღუპულთა ხსოვნას.

საერთაშორისო ტრიბუნალი: ზელენსკი მიიჩნევს, რომ მოქმედ საერთაშორისო სამართალში არის ხარვეზები, რომელიც რუსეთის ომის დანაშაულისთვის დასჯას ხელს უშლის.

  • უკრაინის პრეზიდენტი საერთაშორისო საზოგადოებას ომის სამხედრო ტრიბუნალის შექმნისკენ მოუწოდებს და იხსენებს მოკავშირეების მიერ დამარცხებული ნაცისტური გერმანიის წარმომადგენლების წინააღმდეგ ჩატარებულ ნიურნბერგის სასამართლო პროცესს.
  • უკრაინის პრეზიდენტი ამბობს, რომ მხოლოდ ტრიბუნალს შეუძლია რუსეთის "აგრესიის დანაშაულების" პასუხისგებაში მიცემა.