1-ელ მაისს ნიუ-იორკის მეტროპოლიტენის მუზეუმმა მეთ გალას უმასპინძლა. წლევანდელი ღონისძიება დიზაინერ კარლ ლაგერფელდს მიეძღვნა. წითელ ხალიჩაზე გემოვნებიანად თუ უცნაურად ჩაცმული ვარსკვლავები და კატის კოსტიუმში გამოწყობილი ადამიანები ვნახეთ. გვეგონა, ვეღარაფერი გაგვაკვირვებდა, მაგრამ შევცდით, რადგან მეთ გალა 2023-ის ნამდვილი ვარსკვლავი, არც მეტი, არც ნაკლები, ტარაკანი გახდა.

წითელ ხალიჩაზე თამამად მიმავალი ტარაკანი ერთმა ფოტოგრაფმა შენიშნა. ფოტოგრაფმა გადაწყვიტა, რომ მწერი ყურადღების ეპიცენტრში ყოფნას იმსახურებდა, ამიტომ მას უამრავი ფოტო გადაუღო. მწერი მალე დამსწრე საზოგადოებამაც შენიშნა, ინტერნეტში კი ამ სახალისო მომენტის ამსახველი კადრები ვირუსულად გავრცელდა.

მართალია, ტარაკანი მოწვეული სტუმრების სიაში არ იყო, თუმცა თუ ჯარედ ლეტო კატის ფორმით მოვიდა, მწერმა რა დააშავა?!

სამწუხაროდ, მედიების ინფორმაციით, მწერმა ღონისძიებაზე შესვლა ვერ მოახერხა და, სავარაუდოდ, უყურადღებო (!) ადამიანის დაბიჯებას ემსხვერპლა.

ამავე თემაზე: