ბრიტანელი ფისო, სახელად ჰარი, მეზობლებს საკვებს, ძვირადღირებულ ნივთებსა და ტანსაცმელს ჰპარავს, შემდეგ კი სახლში, პატრონთან მიაქვს. ფისოს უკვე ბოლო 4 წელია, სახლში ყოველდღე ახალ-ახალი ნივთები მოაქვს, რის შესახებაც ფეისბუქზე მისი პატრონი წერს.

ჰარის პატრონის თქმით, ფისოს მეზობლებისგან დაახლოებით 400 დოლარის ღირებულების ნივთები აქვს წამოღებული. "ერთხელ წითელი ფეხსაცმელი მოიტანა, რომელიც საკმაოდ ძვირადღირებული ბრენდის იყო. ერთხელ მეზობლის ჩანთაც წამოიღო, თუმცა ცარიელი იყო. როგორც კი შესაძლებლობას ხედავს, ნივთს მაშინვე იღებს", — წერს პარის პატრონი ფეისბუქზე.

ფოტო: Twitter

ქალმა ფეისბუქზე ჰარის მიერ "მოპარული" ნივთების ფოტოები გამოაქვეყნა და მეზობლებს სთხოვა დაჰკვირვებოდნენ, რომელიმე ხომ არ ეცნობოდათ. პოსტის მიზანი ფისოს მიერ მოტანილი ნივთების პატრონებისთვის დაბრუნება იყო.

ჰარის ოჯახში კიდევ ერთი შემომტანია, სახელად ლუნა. ლუნა ჰარის ძმაა, თუმცა ის ძვირადღირებულ ნივთებს დიდ ყურადღებას არ აქცევის და სახლში ძირითადად ნაგავი მოაქვს, როგორებისაა ტკბილეულის შეფუთვის ქაღალდები და სიგარეტის კოლოფები.

ფოტო: Twitter

ფეისბუქის ფოტოებში ზოგმა მეზობელმა თავისი ნივთი უკვე ამოიცნო და დაიბრუნა. ჰარისა და ლუნას პატრონი იმედოვნებს, რომ დაკარგულ ნივთებს სხვა მეზობლებიც მალე დაიბრუნებენ.