ინფორმაციას შეიარაღებული ძალების აღმოსავლეთ ჯგუფის მეთაური, გენერალი ალექსანდრე სირსკი ავრცელებს.

რატომ არის მნიშვნელოვანი: სირსკის თქმით, ბახმუტის ფრონტზე ინტენსიური საბრძოლო ოპერაციები გრძელდება, მაგრამ რუსებმა ვერ მოახერხეს უკრაინის პოზიციების დაცვის გარღვევა.

  • უკრაინის თავდაცვის ძალებმა დამპყრობლები კონტრშეტევებით აიძულა დაეტოვებინათ დაკავებული პოზიციები.
  • ბოლო რამდენიმე დღის განმავლობაში უკრაინის დამცველებმა მოიგერიეს თავდასხმები ლიმანის მიმართულებით და ტყვედ ჩავარდა 10 ოკუპანტი.

კონტექსტი: რუსები ბახმუტის ასაღებად თვეების განმავლობაში თავგამოდებით იბრძვიან.

  • უკრაინის პრეზიდენტის განცხადებით, რუსეთს ბახმუტში დიდი ადამიანური დანაკარგი აქვთ, მაგრამ მიუხედავად ამისა, ყველა ფასად ცდილობენ ტერიტორიის დაკავებას, ხოლო უკრაინა აპირებს იქამდე იბრძოლოს, სანამ ამ ბრძოლას აზრი ექნება.
  • პერიოდულად, მედიაში ვრცელდებოდა ინფორმაცია ბახმუტის ალყა შემორტყმისა და დაცემის შესახებ, თუმცა უკრაინის ჯარს ტერიტორია არ დაუტოვებია.