ინფორმაციას საერთაშორისო მედიები, პოლონეთის ოფიციალურ პირებზე დაყრდნობით, ავრცელებენ.

რატომ არის მნიშვნელოვანი: პოლონეთში, უნგრეთსა და სლოვაკეთში უკრაინის სოფლის მეურნეობის პროდუქტების ექსპორტი აკრძალეს.

  • მიზეზად ეროვნული წარმოების პროდუქციის გაიაფება და ადგილობრივი ფერმერების დაზარალება სახელდება.
  • ევროკომისიამ უკრაინის მეზობელი ქვეყნების ამ გადაწყვეტილებას მიუღებელი უწოდა.

დეტალები: პოლონეთის სოფლის მეურნეობის მინისტრის, რობერტ ტელუსის თქმით, უკრაინული მარცვლეული პოლონეთში არ დარჩება და პროდუქცია მათი ტერიტორიის გავლით სხვა ქვეყნებში გაიყიდება.

  • უკრაინის პრემიერმინისტრის პირველი მოადგილის, იულია სვირიდენკოს განცხადებით კი, უკრაინული საქონლის ტრანზიტი ხუთშაბათიდან განახლდება.
  • "პოლონურმა მხარემ ახლახან მიიღო ინფორმაცია უკრაინული პროდუქციის პოლონეთის ტერიტორიაზე გავლით ტრანზიტის ტექნიკური ასპექტების შესახებ. დარწმუნებულები ვართ, რომ უკრაინელი ექსპორტიორები სრული პასუხისმგებლობით დაემორჩილებიან აღნიშნულ პირობებს", — თქვა მან.