თანამედროვე ცხოვრების აჩქარებული ტემპი ხშირად არ გვაძლევს საშუალებას, გაუთვალისწინებელ შემთხვევებში დრო გამოვყოთ და ამ მომენტისთვის მნიშვნელოვან საქმეზე ვფოკუსირდეთ. არადა, ცხოვრებაში მოულოდნელობებს ხშირად ვაწყდებით, ზოგჯერ — არცთუ სასიამოვნოს. სწორედ ასეთი შემთხვევებისგან დასაცავად არსებობს თიბისი დაზღვევა, რომელიც მომხმარებელს მასზე მორგებულ სხვადასხვა სახის, სწრაფ და კომფორტულ დაზღვევას სთავაზობს.

ერთ-ერთი ყველაზე მნიშვნელოვანი სერვისი, რომელსაც კომპანია გთავაზობს, ჯანმრთელობის დაზღვევაა. ეს შეთავაზება ამ ეტაპზე მხოლოდ კორპორაციული კლიენტებისთვისაა ხელმისაწვდომი. თიბისი დაზღვევის მომხმარებლებს ბევრი საჭირო მომსახურებით სარგებლობა მარტივად შეუძლიათ, კომპანია კი მათ დახვეწას განაგრძობს. ასე რომ, ამ მიმართულებით კიდევ რამდენიმე სიახლეა.

1. გამარტივებული მიმართვა მედიკამენტებზე

როგორც ვთქვით, დაზღვევა დროის დაზოგვის შესაძლებლობაცაა. და როდის გვჭირდება დროის დაზოგვა, თუ არა მედიკამენტების შეძენისას?! სანამ აფთიაქს მივაშურებდეთ, როგორც წესი, ოჯახის ექიმთან ვიზიტია ხოლმე საჭირო, რათა მიმართვა მივიღოთ.

თუმცა, თიბისი დაზღვევის ახალი სერვისით, ეს პროცესი გამარტივდა — საკმარისია, მიმართვა აპლიკაციიდან მოითხოვო. დანიშნულების ფოტოს ატვირთვიდან მაქსიმუმ ერთ სამუშაო დღეში კი მედიკამენტებზე მოთხოვნილ მიმართვაზე დასტურს SMS-ით მიიღებ.

2. გამარტივებული წვდომა სპეციალისტებთან ათობით კლინიკაში

ოჯახის ექიმის მიმართვა კიდევ ვიწრო სპეციალობის ექიმთან ვიზიტისთვისაც საჭიროა. ამას გარდა, ვიზიტისთვის სასურველი დრო ზოგჯერ არცაა ხოლმე ხელმისაწვდომი. თუმცა, კვლავაც თიბისი დაზღვევის აპიდან ეს ამბავი გამარტივებულია. შენ შეგიძლია, აპლიკაციიდან ექიმთან მიმართვა მოითხოვო, აირჩიო შენთვის სასურველი დრო და 50-ზე მეტ კლინიკაში ესტუმრო სხვადასხვა დარგის სპეციალისტს:

• მამოლოგს
• უროლოგს
• ორთოპედს
• ნევროლოგს
• ჰემატოლოგს
• გინეკოლოგს
• პროქტოლოგს
• დერმატოლოგს
• ტრავმატოლოგს
• ოფთალმოლოგს

აღსანიშნავია ისიც, რომ რეიმანის კლინიკაში სასურველ სპეციალისტთან ვიზიტი მიმართვის გარეშე შეგიძლია — პირდაპირ აპლიკაციიდან ჩაწერით.

3. მომსახურების მიღება ყვლზ სწრფდ

სპეციალისტის დანიშნულების შემდეგ ზოგჯერ სხვადასხვა სამედიცინო სერვისზე წვდომა გვჭირდება ხოლმე, რისთვისაც ასევეა საჭირო მიმართვა და ლოდინი. აი, თიბისი დაზღვევის მომხმარებლებისთვის კი, ლოდინის დრო და გადამისამართების პუნქტები მაქსიმალურად შემცირებულია — თუკი დანიშნულებით პროვაიდერ კლინიკაში სხვა სერვისის მიღებაც მოგიხდება, რეგისტრატურაში შეატყობინებ, რომ თიბისი დაზღვევის მომხმარებელი ხართ. ასე შეძლებ სასურველ ექიმთან შესვლას 20 წუთზე ნაკლებ დროში.

ეს ყველაფერი არაა — თიბისი დაზღვევის აპლიკაციის საშუალებით კიდევ ათობით სერვისის მარტივად მიღებაა შესაძლებელი. აქვე გაიგებ სიახლეებს, რომელსაც კომპანია სამომავლოდ შემოგთავაზებს.

აპლიკაციის გადმოწერას კი, აი, აქედან შეძლებ.